Belintash

Arzour: Topolovo orchestra

Anv: Belintash

Deuet er maez e: 2005

Labell: Gega new

Ment: Kristal

Padelezh en holl: 44'59

Priz : 12,50 €

Ouzhpennañ er baner

Ref.: CR00154GEGA

Skignañ

Belintash (Topolovo orchestra)

Pemp soner a vro-C'hall o seniñ evel gwir bulgariz, daoust ma ne vije bet nemet unan anezho o studiañ ar sonerezh hag ar yezh bulgarek e bro-Bulgari. Douget e vezer gant o sonerezh war-zu ar pep gwellañ a-fed hengoun al lazoù-seniñ bulgarek. Savet eo bet ar strollad e 1999 gant Emmanuel Frin (klarinetenn, gaïda, saksell) ha Wenceslas Hervieux (akordeoñs), tro-dro d'ur roll-tonioù gouestlet d'ar sonerezh hengounel bulgarek. Buan eo deuet Jacky Molard (violoñs), Jean-François Roger (toumperezh ha binviji dre daos) hag Etienne Callac (gitar boud) da vrasaat ar strollad, heuliet nebeut war-lerc'h gant Kalinka Vultcheva, bet soloourez e Kevrin ar Mouezhioù bulgarek (Le Mystère de Voix Bulgares). E labour gant sonerien brudet kaer a Vulgari (ar sonerien gaïda Petko Stefanov, Maria Stoyanova, Dimitar Dimitrov ; ar soner klarinetenn Nicolas Iliev eus Konoushenski orkestar ; ar soner saksell Valentin Raïkov, eus ar strollad Maritza) o deus sikouret anezhañ da enbarzhañ soutilizoù pishañ ar stil hengounel bulgarek, ha da ziorren un tostaat kendrec'hus a-fed jubenniñ. Deuet eo a-benn da dreuzkas e ouiziegezh hag e drivliadennoù d'e genlabourerien er strollad. Setu perak e son enrolladurioù an albom «Belintash» (embannet gant Gega New) gant kinkladurezhioù heverk ha nerzh al lazoù-seniñ a son evit an euredoù bulgarek. Poblek mat eo sonerezh ar bladenn-mañ. Dont a ra eus roll-tonioù strolladoù brudet (Konoushenska groupa, Parvomaïska groupa ha kement 'zo…), koulskoude e tegas kempennadurioù Emmanuel Frin ha Jacky Molard ul liv nevez d'al linenn-gerz, hep kuitaat spered ar sonerezh bulgarek. Ar c'hentañ strollad gall o lakaat ur bladenn da zont er-maez dindan al labell Gega New eo Topolovo. N'eo ket dre zegouezh e toug ar strollad e anv. Evel al lazoù-seniñ evit an euredoù hag a zoug anv ar gêriadenn a zeuont diouti, eo bet dibabet Topolovo da heul an degemer a-feson he doa kinniget da Emmanuel Frin. An anv Belintash, eñ, eo hini ur bre koadek o palirañ kêriadenn Topolovo : dizoloet ez eus bet warnañ, n'eus ket pell 'zo, un templ thrasek bet savet en enor da Sabazil, doue an Natur.

Topolovo orchestra - Sonerien

  • Emmanuel FRIN : klarinetenn, gaïda, saksell
  • Jacky MOLARD : violoñs, alto, gitar
  • Wenceslas HERVIEUX : akordeoñs
  • Jean-François ROGER : toumperezh, darbouka, djembe, binviji dre daos
  • Etienne CALLAC : gitar boud akoustik-tredan, boud fretless

Belintash - Bommoù da glevet

Gwelloc'h ar plugin Flash evit selaou ar bommoù da glevet.

Pellgargañ

Liammoù